UNESCO World Heritage site atan Ahom 'Maidams' nominate

Assam chief minister Himanta Biswa Sarma chuan an state-a Charaidello district-a Ahom lal chhungkaw phumna, 'Maidams' chu UNESCO World Hertiage site atana India aṭanga nomination hmu chhun a ni tih a sawi.

'Assam Pyramids' tia sawi thin, 'Maidams' hi prime minister Narendra Modi chuan heritage site 52 zing aṭangin UNESCO a thehluh turin a thlang tih Chief Minister chuan a sawi a ni. Prime Minister Office leh union ministry of cultural affairs chuan hemi chungchang hi hrilhin, Inrinni zan kha nomination hi an thehlut nghal dawn tih pawh a hrilh niin Sarma chuan a tarlang.

Ahom lalte inphumna, Maidams hi kum 2014, April thla khan UNESCO World Heritage site tentative list ah dah a lo ni tawh a ni.