PM Modi-a'n Tripura, Manipur leh Meghalaya mipuite duhsakna hlan

Prime minister Narendra Modi chuan Inrinni khan Tripura, Manipur leh Meghalaya mipuite chu an statehood day pualin duhsakna a hlan.

PM Modi chuan Tripura chu kum nga chhungin nasa takin a ṭhang a ; agriculture aṭanga industry, education leh health sector-ahte danglamna nasa tak thlengin, hengte hi chhunzawm zel tura a duhsak thu a sawi.

Manipur-ah pawh kawng hrang hrangin hmasawnna a thleng a, state mipuite duhthusamte tihhlawhtling a nih chho zelin , India ramin hma a sawnna tura tichaktu pawimawh tak a nih thu Prime Minister chuan a sawi bawk.

Modi chuan Meghalaya chu music, arts leh sports lamahte hriat a hlawh a, field hrang hrangah Meghalaya mite chu an che ṭa hle a ni tiin, an state in hma a sawn chhunzawm zelna turin a duhsakna a hlan tih a sawi.

Manipur chuan Statehood Day vawi 51-na hi Imphal -a 1st Battalion Manipur Rifles Parade Ground-ah an lawm a, chief minister N Biren Singh chu khuallian a ni.

Meghalaya Statehood Day vawi 51-na lawmna chu Shillong-a U Soso Tham auditorium-ah neih a ni a, Governor BD Mishra chuan Meghalaya Day excellence award a sem a ni.