Nagaland : NDPP nena seat insem danah BJP lungawi lo

Nagaland assembly inthlan lo awm tura Nationalist Democratic Progressive Party (NDPP) nena seat an insem danah BJP mi leh sa ṭhenkhat an lungawi lo a, Nilaini khan Kohima-a BJP Head office kawtah nawrh an huaihawt.

Party pahnihte hian seat insem dan tur hi Delhi-a meeting an neihah tifelin, BJP high command pawhin a pawmpui a ni. Inremna an siamah hian assembly seat 60 awmah NDPP hian seat 40 changin, BJP hian seat 20 an chang dawn a ni. Mahse BJP member ṭhenkhat chuan hei hi pawm loin, seat 30 tal chan an phut thung.

Nagaland BJP president Temjen Imna chuan NDPP nena seat insem dan tura inremna siam chu kaltlangpui a ni dawn tih a sawi thung a, hemi rual hian party worker-ten ticket tam zawk duha lungawi lohna an lantir chu a hriatthiampui thu sawiin, tupawhin state tana hnathawh chu an duh a ni, a ti.

Kum 2018 assembly inthlanah khan BJP hian seat 20-ah chuhin, seat 18-ah hnehna an chang a ni.