Manipur-a bomb puakah civil mi 3 an hliam

Manipur-a Ukhrul district-ah Nilaini khan bomb chak tak a puak a, civil mi pathumin hliam an tuar.

Police-te tardan danin, bomb hi tlai lam dar 5 velah Ukhrul khuaa Community Circle (Gandhi Chowk)-ah a puak a ni. Bomb puahna bul kawnga kal zinga mi pathum an hliam a, an zingah hian hmeichhe pakhat a tel. Leishiphung Hospital-ah hruai nghal an ni.

Ukhrul SP Ningshen Vashum chuan bomb tipuaktu hi hriat a la ni lo tih sawiin, hliam tuarte pawh an ngaihtuahawm loh thu a sawi. Eng pawl mahin he bomb puak hi an tih a ni tih an la sawi lo.

Nilaini vek khan Manipur-ah hel pasarih man an ni, an kut aṭangin silai leh a mu bakah document-te man a ni. Helpawl intelkhawm, CorCom-in Republic Day an boycott tur thu an puan avangin venhimna lam pawh khauh taka kalpui a ni. Security force-ten hmun hrang hrang an dap kualnaah helpawl pathum mi leh sa pasarihte hi an man a ni.