Ruihhlo tawlhtu Manipur police-te an hna aṭangin ban an ni : CM

Manipur chief minister N Biren Singh chuan Manipur police commando panga, an kut aṭanga ruihhlo, Rs vbc 3.35 mansakte chu an hna aṭangin ban nghal an ni tih a sawi.

State sorkarin ruihhlo do beihpui thlakna, 'War on Drugs' campaign a kalpui chungchang sawiin, Chief Minister chuan ruihhlo tawlhna leh, poppy chinnaa inhnamhnawih chu eng mi pawh ni se ngaihhnathiamna a awm dawn lo tih a tarlang. Kakchiang-a commondo unit, Moreh-a post zinga police panga te hi January 16 khan Moreh aṭanga Kuraopokpi an pan laiin, NH 102-ah an motor, maruty gypsy aṭangin ruihhlo an phurhte chu police team dangin an mansak a ni. Ruihhlo an mansak hi heroin kg 1.336, leh WY(World is Yours) methaphetamine tablet kg 9.151 a ni. An zinga pakhat kut aṭangin pawisa fai, Rs 80,000 man tel a ni bawk. Heng police-te hi Kakching police station-ah hlan nghal niin, thubuai pawh siamsak nghal an ni bawk.