Meghalaya : Garo Hills ah zu leh pawisa fai tam tham tak man

State assembly inthlan nei tura inbuatsaih mek, Meghalaya-ah model code of conduct khauh taka kenkawh zel a ni. MCC hnuaiah Election commission mi leh saten West Garo Hills-ah ni hnih chhungin pawisa fai, Rs nuai 24 leh zu, Rs 11,000 hu an man.

State chief electoral officer FR Kharkongor chuan Ningani leh Zirtawpni khan campaign-naa hman tum, pawisa fai leh zu te man an nih thu a sawi. January 18-a an state-a model code of conduct puan a nih aṭang khan, election department chuan pawisa fai Rs nuai 43.9 an man tawh tih a sawi bawk.

CEO chuan assembly constituency 60 zinga 34 chu 'expenditure sensitive' ah puan niin, heng biala mipuite chetvelna pawh flying squad-ten uluk taka an thlithlai reng thu a sawi a ni.