Assam-ah vote nei nuai 2.3 chuangin an pung

Assam-ah kum khat chhungin vote nei nuai 2.3 chuangin an pung a, vote nei zawng zawng mi 2,41,11,743 an ni.

State chief electoral officer (CEO) in final electoral roll a tihchhuahah, state chhunga vote nei zingah mipa 2,21,28,543 awmin, hmeichhia 1,19,83,804 an awm a, third gender 396 an awm bawk.

Vote nei zingah kum 18-19 hi 4,01,571 awmin, kum 80 chunglam 3,11,032 an awm. Taksa lama rualbanlo, persons with disabilities (PwD) 1,69,573 awmin, heng zinga 86,105 chu mipa an ni a, hmeichhia 83,458 leh third gender 10 an awm a ni.

Nikum November 9 khan Integrated Draft Electoral Roll hi tihchhuah a ni a, December 8 thleng siamṭhat ngaite siamna atan hun hawn a ni. Zirtawpni liam ta khan final electoral roll hi tihchhuah a ni ta a, final list-ah hian draft intergrated roll aiin voter hi 0.96% in an pung.

Assam-ah hian supecial summary revision (SSR) hi Election Commission thupek angin software thar, ERO-Net hmanga neih a ni. EC pilot project hi Bihar, Goa leh Uttarakhand-ah pawh hman a ni bawk.