Nagaland : BJP in lungawi lohna lantir chhunzawm zel

Nagaland assembly inthlan neih tura National Democratic Progressive Party (NDPP) leh Bharatiya Janata Party (BJP) thawkdunin seat chan tur an in sem danah BJP Kohima district chuan lungawi lohna an lantir chhunzawm zel.

NDPP leh BJP hian inremna an siamah, assembly seat 60 awmah NDPP tan seat 40 leh BJP tan seat 20 an dah a ni. Hei hi state BJP member ṭhenkhat chuan duh loin, kar liam ta khan Kohima-a an party office kawtah lungawi lohna an lo lantir a ni.

Hetih lai hian NDPP hotu leh chief minister Neiphiu Rio chuan party pahnihten inremna an lo siam tawh angin seat insem dan tur hi kaltlangpui a ni dawn tih a sawi. Central BJP hruaitute pawhin inremna siam hi an pawmpui vek nia sawi a ni bawk.

Mahse BJP Kohima district chuan seat pek belh an phut a, a bikin Kohima district-a assembly constituency paruk zingah 15 Southern Angami-II chu an party chana pek an phut. CM Rio chuan Kohima Town consituency chu BJP chanah dah a rawt a, mahse hei hi hnawlin AS-II hi an phut a ni.