AP CM-in 'money culture' kalpui lo turin BJP worker-te chah

Arunachal Pradesh chief minister Pema Khandu chuan BJP worker-te chu inthlan vuakveta sum hmanga vote zawn leh leite kalpui lo turin a chah a, 'money culture' chu democracy kalphung tichhetu a ni, a ti.

Nakkumah hian Lok Sabha inthlanpui neih a nih dawn bakah, Arunachal Pradesh state assembly inthlan pawh neih a ni dawn a ni. Kum 2019 assembly inthlanah khan sum hmanga campaign a nasa a, pawisa fai pawh tam tham tak hman a lo ni tawh a ni.

West Siang district-a BJP state executive meeting a hmanpuinaah, Chief Minister Khandu chuan inthlan a hnai chho a, hei vang hian democracy kalphung tichhe zawnga sum chelek lo turin party worker-te chu a chah. Sorkarin scheme a siam hrang hrangte chu hmeichhiaten an chhawr ṭangkai theihna turin zirtir ṭha turin a chah bawk.

CM chuan BJP chu an state dinhmun chawikang theitu awmchhun party a ni tiin, party hmathlir leh hnathawhte tihhlawhtlin chhoh a nih zel theihna turin, sorkar hnathawh hrang hrangte pawh mipuite hnenah an puanzar zel a ngai tih a sawi.