Sikkimese Nepali chungchanga SC thutlukna siam duh lohna lantir

Supreme Court-in Sikkimese Nepali hnamte 'immigrant' leh 'foreigner' tia a sawi chu duh loin, nimin khan state-a rorellai Sikkim Krantikari Morcha (SKM) buatsaihin rally huaihawt a ni a, vawiinah political party leh organisation hrang hrang intelkhawm, Joint Action Committe hmingin rally hi chhunzawm a ni ang.

Joint Action Committee president TN Dhakal chuan January 13-a Supreme Court thuchhuakin Sikkimese Nepali-te ‘foreigners’ leh ‘immigrants’tia a sawi chu an dem thu a sawi. SC hnenah pawh 'immigrant' tag chu paih turin ziakin an lo ngen tawh a, mahse court hian a ngaihtuah lo niin a sawi. SC hian hetiang thutlukna dik lo hi a siam tur a ni lo tiin, Sikkimese Nepali-te ‘foreigners’ leh ‘immigrants’ tia sawina chu paih a nih hma leh, Sikkim-a cheng nghet, original inhabitant an nih anga an dikna chanvo pek an nih hma chu an nawr zui zel tur thu a sawi a ni.