AP CM-in rural economy an ngaih pawimawh thu a sawi

Arunachal Pradesh chief minister Pema Khandu chuan rural economy chawikan chu a kaihhruai sorkarin a dah pawimawh thu a sawi.

Chief Minister chuan, "Thingtlang khuaten hma an sawn chuan constituency-in hma a sawn a. Constituency-in hma a sawn chuan district-in hma a sawn a, chutiang zel chuan state leh ram pum angin hma a sawn phah dawn a ni," a ti.

Project hrang hrangte pawh a hun taka thawh zawh an nih theihna turin fund a awm ṭha tawk tih CM chuan a sawi a, hemi rual hian hnathawhte chu a ṭha tur a ni, tiin a sawi. Sorkar laipui puihna nena state sorkarin hmasawnna hna a thawh hrang hrangte sawilangin, an mutan ber ṭhin Kra-Daadi leh Kurung Kumey district-ah kawngpui ṭha siam a ni tawh a, district dang aṭanga heng district pahnih kalpawhna, trans-Arunachal highway siam hna thawh chu a lungawi thlak hle tih a sawi.

Department hotu leh officer-te chu state leh central sorkar scheme hrang hrang dik taka kalpui a, thingtlang hmasawnna atana theihtawp chhuah turin Chief Minister chuan a chah.