Assam-in Floriculture Mission kalpui dawn

Assam cabinet meeting chuan Floriculture Mission kalpui a rel a, hemi atan hian Rs vbc 150 ruahmanin, loneitu 20,000 velin bul ṭan nan an hmang thei dawn a ni.

Thawhṭannia cabinet meeting zawha chanchinthar lakhawmtute a kawmnaah, chief minister Himanta Biswa Sarma chuan, state chhunga floral market ṭhang chho zel vangin,ngun taka an ngaihtuah hnuah floriculture mission siam hi an rel tih a sawi. Hetih lai hian orchid leh pangpar chi dang eng emaw zat chu West Bengal leh ram pawn lam aṭanga lakluhte pawh an la nih thu a sawi bawk.

Floriculture Mission hnuaiah hian state chhunga pangpar chinna hmun chu kum thum chhungin hectare 2,200 aṭangin hectare 3,288-ah zauh hman tum a ni.

He mission hnuaiah hian pangpar chi hrang hrang - summer and winter marigold, gladiolus, tube rose, chrysanthemum, lotus leh lilies, gerbera, orchids, green foliage, Dutch roses leh anthurium-te chin a ni ang.

Wholesale market leh floriculture retail outlet-te chu mission hnuaiah hian siam a ni dawn bawk a ni.