Manipur BJP hruaitu thah chungchangah RTI activist man

Manipur police-te chuan Manipur Bharatiya Janata Party (BJP) ex-servicemen cell general secretary (convenor) Laishram Rameshwor Singh thah a nih chungchang an chhuina kal zelah RTI activist leh lawyer Wahengbam Joykumar an man.

Wahengbam Joykumar hi Imphal East didstrict-a Wangkhei Hijam Leikai-a a chenna inah Pathianni khan police-ten an man a ni.

BJP hruaitu hi January 24 khan Thoubal district-a Kshetri Leikai-ah kahhlum a ni. A hnuah a kaptu Ayekpam Keshorjit chu police-te kutah a silai nen a inpe a, a thurualpui Ricky Ponting pawh hemi ni vek hian an man nghal bawk. An pahnih hian February 6 thleng judicial custody-ah dah an ni ang.