EC-in Nagaland assembly inthlan neih tur atan hriattirna tichhuak

Election Commission chuan Thawhlehni khan 14th Nagaland legislative assembly inthlan neihna tura tana hriattirnate a tichhuak.

Nagaland-a assembly bial 60-ah February 27-ah inthlan hi neih a ni dawn a, he inthlana chuh tumte tan February 7 thleng nomination paper thehluh theih a ni. March 2-ah inthlan result hi puan a ni ang.

Inthlan lo awm turah hian vote nei mi 13,17,632 an awm. Final electoral roll tihchhuah tharah vote nei thar mi 24,689 an awm a ni.

Vote thlakna tur, polling station hi 2,315 siam a ni dawn a, heng zinga 680 chu 'vulnerable' leh 920 chu 'critical' category-ah dah an ni. Polling station 57-te chu model polling station atan duan an ni a, hmeichhe hlang enkawl polling statoin 196 siam a ni bawk ang.

Nagaland MLA 2-in banna an thehlut

Nagaland khawchhak lam biala MLA pahnih, T Yangseo Sangtam leh Thongwang Konyak-te chuan 13th Nagaland Legislative Assembly (NLA) member an nihna aṭanga banna an thehlut.

Sangtam hi 2020 Nagaland by-election ah 60 Pungro-Kiphire Assembly Constituency (AC) bialah independent candidate-a thlan tlin a ni a, nikum khan assembly deputy speaker atan thlan a ni.

Konyak hi 2018 state assembly inthlanah 46 Mon-town AC aṭangin Naga People’s Front (NPF) party ticket-in thlan tlin ani a, nikum khan an party MLA dang 20-te nen chief minister Neiphiu Rio kaihhruai, Nationalist Democratic Progressive Party (NDPP)-ah an inchhunglut a ni.