Manipur Governor-in Myanmar border a enfiah

Manipur governor L Ganesan chuan Thawhlehni khan helicopter hmangin Churachandpur district-a Myanmar border dinhmun a enkual a, border town Behiang khua chu a tlawh nghal bawk.

Behiang khuaah hian Governor chuan district thuneitute bakah tualchhung hotute kawmin, dan loa ram dang lut ṭhin chungchangte an sawiho a ni. Governor chuan state mipuite leh security force-te chuan ramri kaltlanga Myanmar aṭanga dan loa an state-a luh tumte dang tura theihtawp chhuah turin a chah.

Governor hian Beheng khuaa Assam Rifles Company Operating Base pawh a tlawh nghal bawk. Assam Rifles-a Khuga Battalion commandant, colonel Rajneesh Gairola chuan border area-a security dinhmunte a lo hrilh. Hei bakah hian Assam Rifles-in border area tihhmasawnna tura hma an lak dan hrang hrangte pawh Governor hi an hrilh bawk.