Tripura: EC-in BJP candidate laka complaint thehluh a hnawl

Election Commission chuan CPM-in an party MLA ni lai, assembly inthlan lo awm tura Kailashahar biala BJP candidate ni ta thung, Mabashar Ali laka complaint an thehluh chu a hnawlsak.

CPM state secretary Jitendra Choudhury chuan Thawhlehni khan Kailashahar assembly returning officer hnenah complaint thehlutin, BJP candidate a nihna aṭanga Choudhury chu disqualify turin a ngen.

Choudhury chuan, "Mabasshar Ali hian Assembly member a nihna leh, CPM member a nihna aṭangin banna a thehlut lo a, hei vang hian BJP candidate anga ngaih theih a ni lo ang. Hei vang hian BJP-in candidate atana a ruat hi dan kalh a ni," a ti. Mahse returning officer Pradip Sarkar chuan Ali-a nomination paper a enfiah hnuah, dik lo a awm lo nia sawiin, a laka complaint thehluh chu hnawl a nih thu a sawi a ni.

Kum 2018 assembly inthlanah khan Ali hi BJP candidate Sinah hnehin thlan tlin a ni.