Tripura-ah central force company 400 tir dawn

Boruak ṭha leh muanawm tak hnuaia Tripura assembly inthlan neih a nih theihna turin, venhim hna thawk turin central force company 400 tirh an ni dawn.

Inthlan hi February 16 hian neih a ni ang.

Assistant inspector general (law and order) Jyotishman Das Chowdhurychuan, "Tun karah central armed police forces (CAPF) company 200 vel an rawn thleng dawn a, a dang pawh an la rawn thlen belh leh thuai bawk ang," a ti. Kum 2018 assembly inthlanah khan central force company 300 duty tir an ni.

Vote thlakna tur, polling station 3,328 zinga 1,100 chu 'sensitive' leh 28 chu 'critical' catergory-ah dahin, heng hmunahte hian venhimna lam khauh taka kalpui a ni dawn tih a sawi. Motor veivakte pawh uluk taka enfiah zel niin, motor 11,000 vel an enfiah tawh thu a sawi bawk.