Meghalaya : EC-in NPP leh UDP te hriattirna pe

Election commission of India (ECI) chuan Meghalaya-a National People's Party (NPP) leh United Democratic Party (UDP) chu model code of conduct (MCC) bawhchhiaa puh an nih chungchangah hriattirna a pe.

Chief electoral officer FR Kharkongor chuan, NPP leh UDP candidate-te chuan MCC palzutin, West Shillong bial chhungah pressure cooker leh bowl set an sem nia sawi report a awm avangin hriattirna hi an pe a, party pahnihte hi insawifiah tura tih an nih thu a sawi. Show cause notice hi West Shillong assembly constituency-a returing officer-in party pahnih general secretary-te hnenah a pe a ni.

Meghalaya assembly inthlan hi February 27 ah neih a ni ang.

Hetih lai hian NPP candidate, MLA nilai Mohindro Rapsang chuan MCC bawhchhiaa puhna hi thu dik lo a nih thu a sawi thung. Bial mipuite hnena an thil sem hi inthlan neih hun tur puan hma daih ami tawh a nih thu leh, MLA fund aṭanga sem a nih thu a sawi.