Manipur : Fashion show neihna tur bulah bomb puak

Manipur khawpui, Imphal-a fashion show neihna tur bulah Inrinni khan bomb chak tak a puak.

Bomb puahna hi Hatta Kangjeibung area-a fashion show neihna tur aṭanga meter 100 vel chauha hlaah zing dar 6:30 velah tihpuah a ni. Thi leh hliam report an awm lo.

Helpawl ṭhenkhatin fashion show buatsaih hi an khap vangin helho thiltih ni ngeia rin a ni , mahse eng pawl mahin bomb tipuaktu an nih thu an la sawi lo.

Fashion show-ah hian Bollywood star Sunny Leone a tel ve dawn avangin ngaih­ven a hlawh hle. He show hi Manipur handloom leh khadi bakah tourism chawi­larna tura buatsaih a ni.