MHA-in Sikkimese Nepali chungchangah review petition thehlut

Supreme Court-in Sikkimese Nepali-te 'immigrant' tia a sawi chungchangah, ministry of home affairs chuan Thawhṭanni khan court-ah review petition a thehlut.

January 13-a Supreme Court thuchhuakin Sikkimese Nepali-te 'immigrant' tia a sawi avangin, state chhungah lungawi lohna lantir a lo ni fo tawh. Pathianni khan state BJP president DR Thapa hoin Sikkim palaite chuan union home minister Amit Shah an hmu a, an lungawi lohnate an thlen. Home Minister pawhin Supreme Court chu Sikkimese chungchang a sawidan enfiah tura ngenna sorkar laipui a thehlut dawn tih a lo hrilh a, Thawhṭanni khan MHA chuan petition hi an thehlut ta a ni.

Home Ministry office chuan petition an thehluh chungchang hi an twitter-ah pawh tarlangin, sorkar laipui chuan Sikkim mite nihna humhalhna, Constitution Article 371F chu a vawng him zel dawn a ni, a ti.