SC-in Assam-a tea garden worker-te Rs vbc 650 pe turin hriattir

Supreme Court chuan Assam-a tea garden worker-te tan cheng vaibelchhe 650 pe turin Assam sorkar a hriattir.

Court-in pawisa pe tura tihte hi tea garden 25-a thawktu, mi 28,556 te an ni a, hei hian sorkar enkawl Assam Tea Company Limited (ATCL) hnuaia thawkte pawh a huam tel a ni.

Justice MR Shah leh CT Ravi Kumar awmna, Supreme Court bench chuan kum 2020-a tea garden worker-te hlawh leh an hlawh la batsak zak chhut tura court 9-in a ruat, justice (retired) Abhay Manohar Spare report thehluh pawmin, hriattirna hi a tichhuak. Report-ah hian tea garden worker-te hlawh pek tur hi Rs vbc 414.7 bakah, Provident Fund department-a pek tur Rs vbc 230.7 a awm thu tarlan a ni.

Court chuan hnathawktute chu enfiah vek a, hun tiam chhunga pawisa pe turin a ti. Kum 2018 khan state sorkar chuan court thupek angin Rs vbc 99 a lo pawm tawh bawk.

Hetih lai hian Assam sorkar chuan SC-a report thehluh leh, sum pek tur zat tarlan chu 7th Pay Commission nen a inmil lo tih a sawi tawh a, mahse court chuan sum pek tur zata tih hi deposit thuai turin a ti.