Meghalaya : Candidate zingah inhnukdawk an awm lo

Meghalaya assembly inthlan neih tura chuh tumte tan Zirtawpni kha inhnuhdawh theih hun tawp a ni a, nomination paper thehlut zingah inhnukdawk an awm lo.

Assembly bial 60-a inthlan neih tur atan hian candidate 379 in nomination an thehlut a, nomination paper-te hi enfiah a nih hnuah pali hnawl an ni. Nomination pawm zingah inhnukdawk an awm tak loh avangin, inthlanah hian candidate 375 an awm dawn ta a, an zingah hian hmeichhia 37 an tel. Kum 2018 inthlan aiin candidate hi 78 in an tam.

Rorellai National People's Party (NPP) chuan seat 57 ah an chuh dawn a, Congress leh BJP chuan seat 60 ah an chuh dawn. Trinamool Congress in seat 58, United Democratic Party (UDP) in seat 47, Voice of the People Party (VPP)-in seat 18 leh Hill State People's Democratic Party (HSPDP)-in seat 11-ah candidate an siam. Party hrang hrangte hian party malin inthlan hi an chuh dawn a ni.