Tripura-ah PM Modi-a'n election rally nei

Prime minister Narendra Modi chu Tripura assembly inthlan neih turah BJP tan campaign in, Inrinni khan Dhalai district-a Ambassa-a election rally a nei

Prime Minister chuan kum nga chhung lekin BJP sorkar chuan Tripura-ah hmasawnna nasa tak a thlen hman a ni, a ti. Congress leh Left party-te chuan mi rethei leh harsa zawkte chu an harsatna lakah an chhuah zalen thei lo a, mahse BJP erawh chuan chhun leh zanin an chhiahhlawh leh ṭhian tha ber angin, an harsatna chinfelna turin a thawk a ni, a ti.

"Tripura hi South Asia kawtchhuah, 'gateway' a la ni dawn a ni. BJP chuan in duh ang takin hma kan la a, in ngaihpawimawh leh in mamawhte kan thawk a ni," tiin a sawi.

Tripura assembly inthlan hi February 16 hian neih a ni ang.

BJP chuan assembly seat 55 ah chuhin, an thawhpui Indigenous People's Front of Tripura (IPFT) tan seat nga an dah.Left party leh Congress an thawkdun dawn bawk a ni.