Tripura-in inthlan dawn vangin ramri a khar

Election Commisison thupek angin, Tripura state chuan assembly inthlan an neih dawn avangin nimin aṭang khan Bangladesh, Assam leh Mizoram nena an inrinate a khar.

Chief electoral officer (CEO) Gitte Kirankumar Dinkarrao chuan, Bangladesh nena international border bakah, Assam leh Mizoram nena inter-state boundary-te chu khar a nih thu a sawi. Hei hi February 16-a state assembly inthlan an neih tur felfai leh boruak muanawm tak hnuaia neih a nih theihna tura hmalakna a ni thu a sawi.

Dik lo taka vote thlak awm tur venna atan, deparment chuan hostel, hotel leh marriage hall-te pawh uluk takin an enfiah dawn tih CEO chuan a sawi bawk. Nimin kha inthlan neih tur atana campaign theih hun tawp a ni.

Assembly consti­tuency 60-a inthlan neih turah hian Pathianni khan postal ballot 50,000 chuang dawn a ni tawh. Boruak ṭha tak hnuaia inthlan buatsaih a nih theihna atan state chhung hmun hrang hrangah security force 43,000 chuang duty tir an ni.