Assam jail chhung dinhmun zirchiang tur panel din

Assam home and political department chuan an state chhunga central leh district jail hrang hrangte dinhmun zirchiang turin committee a din.

Committee-ah hian deputy inspector general (DIG) of prisons (range) Guwahati; deputy inspector general (DIG) of prisons (range) Jorhat-te chu member secretary niin, member atan Assam State Legal Service Authority dah an ni.

State chhunga jail tinte chu committee hian tlawhin, jail-a awm thei zat bithliah te, jail-a mipa leh hmeichhia tang mekte, facility, sanitation chungchangte bakah, jail campus enkawl dante report an thehlut ang. A ṭul dan angin jail tang mekte thubuai rang zawka ngaihtauh a nih dan leh, jail chhung tawt lutuk tihziaawm a nih theih dan tura ruahmannate siamin hma an la zui dawn bawk a ni.