Manipur-in sports training centre thar nei dawn

Manipur chief minister N Biren Singh chuan Samsung Electronics nen memorandum of understanding (MoU) an ziahfel hunah, Sangaithel Olympic Park-ah training centre changtlung tak siam a ni dawn tih Pathianni khan a sawi.

Chief Minister chuan world class centre siam tum a ni tih sawiin, state pawn lam aṭangin coach leh expert-te rawih an ni dawn a ni, a ti. State sorkar chuan sports discipline hrang hrangah an state-a infiammite hmingin training centre eng emaw zat sponsor an tum tih a sawi a, "State sorkar chuan kumin chhungin boxer Laisharm Sarita hminga sports academy leh, Olympic medalist Mirabai hmingin training centre siam hman a tum a ni," a ti.

State chhunga hill district-ahte artificial football turf pasarih siam a nih tawh thu CM chuan a sawi bawk a, heng bakah hian hmun pasarih chu football grass ground siamna tura thlan a ni tawh bawk tih a sawi.

Sports chawikanna turin state sorkar chuan theihtawp a chhuah zel a, hei hi ṭhalaiten nunkawng dik an zawh a, ruihhloin a tihbuaite chhanchhuah leh, ruihlhlo umbona kawnga thil pawimawh tak a ni bawk tiin a sawi.