Kristian-ten zah an hlawh tawk lo : Union Minister Barla

Union minister John Barla chuan National Christian Council (NCC)-in Dimapur, Nagaland-a inkhawm an buatsaiha thu a sawiah, India ram tan Kristiante chuan independence hma leh hnuah tha an thawh nasa hle a, mahse tun thlengin zah leh ngaih pawimawh an hlawh tawk lo niin a sawi.

India ram tana an thawhna te mipuite hriattir turin Kristian-te chu an ṭanrual a ngai tih sawiin, Kristian-te zirna in din aṭanga zirchhuak, IAS officer, doctor, engineer bakah political leader zir chhuak tam tak an awm a ni, tiin Minister of State (MoS) for Minority Affairs Barla chuan a sawi a ni.

"Ram indinna turin tam tak kan thawk a, mahse kan biak-inte beih leh tihchhiatte an la ni fo a ni," tiin Kristiante chu India ram tan an hlauhawm lo a, ram indinna kawngah a tha thawhtu zingah mi an ni zawk, a ti.