Meghalaya : Lockdown hlih hnuah hri kai pung hnem

Meghalaya sorkarin Shillong khawpuia total lockdown a puan hlih a nih hnuah hri kai hmuh chhuah belh an pung hnem hle. Shillong-a total lockdown puan hlih a nih aṭanga ni hnih anih hnu, kar liam ta Inrinni khan hri kai hmuh chhuah thar mi 33 an awm a, Pathianniah mi 18 leh niminah mi 28  hri kai hmuh chhuah belh an awm bawk. Meghalaya-a hri kai hmuh chhuah tawh hi 902 an tling tawh a, an zinga 264 chu enkawl dam ni tawhin mi pangain an thihpui tawh a ni. Hri kai mek hi mi 633 an awm.