Meghalaya 2023 : EC-in MSCW hotu hnenah show cause notice peMeghalaya 2023 : EC-in MSCW hotu hnenah show cause notice pe

Election Commission chuan Meghalaya state commission for women (MSCW) chairperson, Phidalia Toi chu election rally-ah a tel chungchangah, mode code of conduct bawhchhiaa puhin show cause notice a pe.

MSCW hotu Phildali Toi hi Jowai-a National People's Party (NPP) candidate, Wailadmiki Shylla rally buatsaihah a tel a, hei vang hian Meghalaya Services (Conduct) Rules 2019 a bawhchhia nia puhin a lakah complaint thehluh a ni. EC chuan Thawhlehni khan hriattirna hi pein, ni hnih chhunga insawifiah turin a ti.

Chief electoral officer (CEO) FR Kharkongor hnenah Congress party chuan complaint hi thehlutin, Toi chu MSCW chairperson a nihna aṭanga ban tur leh, Wailadmiki Shylla pawh candidate a nihna hnawl turin an phut.

Congress party chuan Shillong khawpui chhunga prime minister Narendra Modi, union home minister Amit Shah leh BJP president JP Nadda-te thlalak chuanna poster eng emaw zat tar a nih chungchangah complaint an thehlut bawk. CEO chuan an complaint thehlutte hi zirchiangin, a ṭul anga hma lak a tiam.