Manipur cabinet khaw 15 hming thlakna tur pawmManipur cabinet khaw 15 hming thlakna tur pawm

Manipur cabinet chuan Jiribam district-a revenue village 15-te hming thlakna tur a pawm.

Minister of information and public relations Dr Sapam Ranjan Singh chuan Thawhlehnia cabinet meeting zawha chanchinthar lakhawmtute a kawmnaah, khaw 15-te hming thlakna tura rawtna awm chu pawm a nih thu a sawi a ni. Khaw hming thlak turte chu- Bakhal chu Ningthemkhunjao tih a ni dawn a, Kadamtala chu Kadampokpi, Champanagar Meitei chu Leihoaopokpi, Patchao chu Chingdong Leikai, Boroikhal chu Khongjao, Sabughat chu Sabuthokpi, Babukhal chu Chingkoipung, Naranda Basa chu Leingangpokpi, Gularthol chu Samupunbi, Hilghat chu Lamlen Atingti, Bidyanagar chu Maheikhullen, Harinagar chu Lamnoupokpi, Uchathol chu Lamdangkhun, Kamranga chu Khunginthek leh Sorok Atingbi Khunou khua chu Khunou tia thlak an ni ang.

Cabinet hian Banning of Unregulated Deposit Scheme (BUDS) atangin cell din a remti bawk a, zirtirtu indaih lohna phuhrukna turin SSA hnuaia pre-primary teacher 1,140 leh graduate teacher 400 lak a

remti bawk.

Minister Rajan chuan chief minister N Biren Singh kaihhruaina hnuaiah sorkar chuan 'vocal for local' hmalakna chu a dah pawimawh hle tih sawiin, cabinet pawhin tualchhung mi sumdawngte ngaih pawimawhna tur, Manipur Procurement Policy 2022 pawh a lo pass tawh a ni, a ti.