Tripura : Ni hniha upa naute Covid-19 vangin thi

Tripura health department chuan Inrinni liam ta khan naute, ni hnih leka upa chu Covid-19 vangin a thi tih a sawi. An state-a hripui vanga thi naupang ber a ni. 

Naute hi Ningani khan Agartala Government Medical College (AGMC) ah a piang a, a nu hian Covid-19 a kai avangin naute swab sample pawh hi lak ve nghal a ni. A test result a positive a, Inrinni khan he hri vang hian damdawiinah a thi ti Health department official chuan a sawi. Inrinni vek khan AGMC-ah mipa kum 62 mi chu hripui vang hian a thi bawk. Tripura-ah hian Covid-19 vanga thi mi 23 an awm tawh a ni. 

State chhung hri kai hmuh chhuah tawh hi mi 5,251 an awm tawh a, an zinga 3,463 chu enkawl dam an ni tawh.