Assam : Jorhat-ah dawr 150 a kang

Assam, Jorhat district-a Jorhat khuaah Ningani zan khan Chowk Bazaar-ah kangmei nasa tak a chhuak a, dawr 150 vel a kangral.

Kangmei chhuah hun hi zan rei lam niin, puanthan zawrhna dawr pakhata electric short circuit vanga chhuak nia hriat a ni. Dawr dangte rang takin a kangkai nghal a ni. Dawr kang tam zawk hi thawmhnawh leh ei tur zawrhnate a ni.

Kangṭhelhtu 25-te tirh nghal an ni a, anni bakah Jorhat khaw bul, Titabor leh Mariani khua aṭangin tirh an ni bawk. Mahse kawng a chep avang leh, kangmei hian a mankai chak avangin a ṭhelh mit mai thei lo a ni.

Jorhat khuaah hian nikum December thla khan Marwari Patty area-ah kangmei chhuakin, dawr tam tak a lo kangral tawh bawk.

Assam revenue minsiter Jogen Mohan chuan nimin khan kangmei chhuahna, Chowk Bazar hi tlawhin, district thuneitute hnenah kangmei chhuah dante chhui chiang turin a hrilh.