Ni 3 cham turin Union Minister-in Sikkim a tlawh

Union minister for commerce & industry, consumer affairs, food & public distribution and textile, Piyush Goyal chu ni thum cham turin nimin khan Sikkim-ah a zin.

Sikkim-a a cham chhungin Union Minister hian state sorkara official-te review meeting a neihpui dawn a, Sikkim chamber of commerce & industry aiawhte leh, ICAI Sikkim chapter aiawhte chu Gangtok-ah meeting a neih pui bawk ang. Chief minister leh Governor pawh a kawm dawn bawk a ni.

Goyal hian Atal Incubation Centre a tlawh dawn a, hei bakah hiah SMIT, Rangpo-ah Startup founder leh zirlaite hun a hmanpui dawn bawk. Jal Jeevan Mission site visit neiin, West Sikkim-a Soreng district-a Tharpui khuaah panchayat leh tualchhung mite nen hun an hmang ho dawn bawk a ni.