Dan loa coal mining siam vangin Assam-in thla tin Rs vbc 2,000 a hloh : AJP

Assam-a eptu party, Assam Jatiya Parishad (AJP) chuan an state hmun tam takah dan loa lungalhthei khur siam a nih avangin, state sorkar chuan thla tin a sum hmuh tur Rs vbc 2,000 dawn a hloh ziah a ni, a ti.

State chhunga dan loa coal mining siam chungchangah AJP chuan President, Prime Minister, Supreme Court Cheif Justice, Parliament-a Leader of Opposition, NHRC chairman leh National Green Tribunal Chairman hnenah memorandum an thehlut tawh tih an sawi.

AJP president Lyrinjyoti Gogoi chuan, "Assam hmun hrang hrangah dan loa coal mining, a bikin rat-hole mining siam chungchang hi kan sawilang fo tawh a ni. Hetianga an thiltih hian environment, public health bakah state sum hmuhna thlengin a nghawng a ni," a ti. Dan loa coal mining siam hi titawp a, he thila inhnamhnawihte chu sorkar mi pawimawh leh politician pawh ni se, an chunga action lak ngei an phut thu an sawi bawk.