President Murmu-in Arunachal Pradesh a tlawh

President Droupadi Murmu chu ni hnih cham turin nimin khan Arunachal Pradesh-ah a zin.

President Murmu hian nimina Arunachal Pradesh statehood day lawmna a hmanpui a, vawiin hian state legislative assembly special session-ah thu a sawi ang. Murmu hian India President atana lakluh a nih hnua Arunachal a tlawhna hmasa ber a ni.

A cham chhungin President hian Donyi Polo Airport - Naharlagun railway station inkar, km 40-a thui kawngpui, double-lane a siamna tur lungphum a phum dawn a, Deparmtent of indigenous affairs hnuaia indigenous folk story chungchanga animation film pahnih siam chu tlangzarhin, India zalenna sualtu Arunachal Pradesh mite chanchin report-na a tlangzarh bawk ang.