Assam-in April-ah mi nuai 40-te ration card pek hman tum

Assam sorkar chuan April thlaah mi nuai 40-te ration card pek hman a tum tih cabinet minister Ranjeet Dass chuan a sawi.

Minister chuan mi retheite hnena ration card semchhuahna hun hi state sorkar chuan buatsaih a tum thu sawiin, ration card dil turte pawhin dilna hi an thehlut mek niin a tarlang. Hemi rual hian mi tam tak, sorkar hnathawk leh chhungkaw awmthei zawkte chuan state sorkar ngenna angin an ration card-te chu sorkarah an thehlut mek tih a sawi bawk a ni.

Assam sorkar chuan nikum December thla khan ration card hmang hian mi harsa zawkte chuan sorkar leh private hospital-ah in enkawlna, chhungkaw pakhat tan Rs nuai 5 chin pawisa pek ngai loin an dawng thei dawn tih a sawi.

State sorkar hian chhungkaw awm thei zawk leh sorkar hnathawk awmna te chu an ration card-te thehlut turin ngenna a lo siam tawh a, hemi hnu hian chhungkaw 12,000 chuangin an ration card hi an thehlut tawh a ni.