AP 'unsung hero'-te chanchin school syllabus-ah telh dawn : CM Pema Khandu

Arunachal Pradesh chief minister Pema Khandu chuan, India zalenna atana beitu, Arunachal Pradesh mi hriat hlawh zui tak loh, unsung hero-te chanchin chu school syllabus-ah telh an ni dawn tih a sawi.

Thawhṭannia Statehood Day lawmnaa thu a sawiah, Chief Minister chuan an state-a unsung hero-te chanchin chu uluk taka zirchian a nih thu a sawi a, report pawh a tlangzarh nghal a ni. Freedom fighter-te chanchin behchhanin, India ram zalenna tura theihtawpa beitu Arunachal Pradesh mite pualin school syllabus-ah chapter hran an siam dawn tih a sawi a ni.

Arunachal Pradesh state chu hmarchhak bial tana hmarchhak "northeast of the northeast" a ni tiin, an state hmasawnna chuan hmarchhak bial pum tan pawh hmasawnna a thlen ve zel a ni, a ti. Hmarchhak bial chu tun hma lamin ngaihthah a ni ṭhin a, mahse central-a prime minister Narendra Modi kaihhruai sorkar a din hnuah, inkalpawhna lamah leh social sector hrang hrangah hmasawnna tam tak a thleng tawh a ni, tiin a sawi.