Meghalaya : Polling station chhungah mobile ken khap

Election Commission of India (ECI) chuan Meghalaya state election department hnenah, vote thlak dawnah polling station chhunga mobile phone ken luh khap turin a hriattir.

Chief electoral officer (CEO) FR Kharkongor chuan hemi chungchangah hian hriattirna tichhuakin, inthlan niah polling station aṭanga meter 100 bial chhungah mobile phone, cordless phone leh wireless set-te ken luh phal a ni lo tih a sawi.

Observer/micro observer, presiding officer leh security personnel-te erawh chu mobile phone ken phalsak an ni a, mahse silent mode-a dah vek tura tih an ni thung.

He thupek hi khauh taka kenkawh a nih tur thu CEO chuan a sawi.