Assam CM-in appointment letter semAssam CM-in appointment letter sem

Assam chief minister Himanta Biswa Sarma chuan Nilaini khan tun hnaia state sorkar hnuaia department hrang hranga thawktu tur lak tharte hnenah appointment letter a sem.

Chief Minister chuan an lo tiam tawh angin, ṭhalai nuai khatte tana hna siamsak chu a kaihhruai sorkar chuan a tipuitling thuai dawn tih a sawi.

Nilainia CM-in appointment letter a semte hi - veterinary department hnuaia mi 161 leh fisheries department hnuaiah mi 32, industries and commerce department-ah mi 13 leh public health and engineering department-ah mi pali te an ni.

Sarma chuan state chhung mi ṭhalai mi thiam, qualified ngeite hnena hna pek chu department-in changtlung zawka hna a thawh theihna, mipuite rawngbawlna kawnga hmasawnna pawimawh tak a ni tih a sawi. A kaihhruai sorkar chuan a thu lo tiam tawhte tihlawhtling turin hma a la zel tih a sawi bawk.

Appointment letter semna hun Guwahati-a Srimanta Sankardev Kalakshetra-ah buatsaih a ni a, minister leh official dang eng emaw zatin an telpui a ni.