Sikkim-ah organic testing lab din dawn

Sorkar laipui chuan organic products chawilarna turin, Sikkim state-ah high quality, modern organic testing laboratory a din dawn tih union minister for food and public distribution, Piyush Goyal chuan a sawi.

Union Minister chuan ram danga organic goods thawn chhuuah, USD maktaduai 1 hu ni mek chu kum 2030-ah USD tluklehdingawn 1 huah pun tir hman tura ṭan lak a ngai tih a sawi. Sikkim state chu infrastructure an neih sate pawh economic activity kalpuina tura hmang ṭangkai thiam turin a chah bawk.

Sikkim state chu organic state ni tura theihna sang tak nei a ni tih sawiin, hei hi an tihhlawtlin theih chuan state dinhmun chawikangin, tourism lam thleng pawhin a chawi sang thei dawn tih a sawi. "State sorkarin ram a pek theih dawn chuan, sorkar laipui chuan National Institute of Design and National Institute of Packaging Campus din pawh a inhuam reng a ni," a ti.