Congress-i'n hmarchhakte hi ATM angah an ngai; BJP chuan 'Ashtalakshmi' angin kan ngai thung : PM Modi

Prime Minister Narendra Modi chuan nimin khan Dimapur-a election rally-a thu a sawinaah Congress chuan Hmarchhak bial chu ATM anga an ngaih thu sawiin, BJP erawh chuan region-a state pariatte chu 'Ashtalakshmi' (pathiannu Lakshmi pianhmang chi riat) angin an ngaih thu leh, remna leh hmasawnna an neih theihna turin theihtawp an chhuah thu a sawi.

Modi chuan BJP kaihhruai National Democratic Alliance (NDA) hian Nagaland-i'n remna tluantling neia Armed Forces (Special Powers) Act, 1958 chu state chhungah hlih fel vek a nih theihnan hma kan la a ni, a ti.

"Ramchhung mite kan rintawk loh chuan ram hruai hna hi a thawh theih loha, an buaina leh an dinhmun zah tak chung chauhin a chinfel theih a ni. Hmarchhakah hian darhsarh takin politics kalpui a lo ni tawh ṭhin a, tunah erawh sorkar pakhat angin kan thlak danglam ta a ni. BJP hian ram mipuite sakhua emaw region emaw thlei bik a nei ngai lo," tiin PM Modi chuan a sawi.

Modi chuan Congress-i'n ro an rel lai khan politics ngel nghet tak a awm ngai lo a, grand old party khan Delhi aṭangin remote control ang maiin an duh dan danin an chinglet a, hmasawnna hnathawh tur pawisate chu an hip kang vek zel a ni." a ti.

NDA hian Nagaland-i'n chatlak loa rahbi thar inkai theihna thutiam pathum kan nei - remna, hmasawnna leh hausakna te, tiin, BJP chuan tunlai thiamna hmangin eirukna leh hlemhletnate kan titlem chho tial tial a, Delhi aṭanga sum rawn kalte chu beneficiary-te bank account-ah direct-a thun zel an ni tawh a ni, a ti.