AP : Police-te'n helho camp luhchhuah

Arunachal Pradesh police-te chuan Ningani khan Changlang district-a helho camp an luhchhuah a, silai leh a mu eng emaw zat an man.

State task force (STF) superintendent of police Rohit Rajbir Singh chuan kumin chhunga police-ten helho laka major operation an neih ṭum khatna a nih thu a sawi.

Police-te hian Lungpang khuaah Eastern Naga National Government (ENGG) hel an awm thu an dawn hnuah, an camp luhchhuah dan tur hi IGP (Law & Order) Chukhu Apa hoin an ruahman nghal a ni. Camp luhchhuah tuma an kal hnuah, he camp-a hel lo awmte chu an lo tlanchhe hman niin SP chuan a sawi.

Police team hian helho camp aṭang hian AK 47 rifle pakhat, M16 rifle pakhat, hand grenade, magazine paruk, silai leh document eng emaw zat an man a ni. Camp hi an tichhe zui nghal bawk.