Assam Police-ten Congress hruaitu Pawan Khera man SC-in interim bail a dilna phalsak

Congress party hruaitu Pawan Kheri chu Raipur-a Congress plenary session hman tuma kal tur, Delhi airport-ah dan a nih hnuah Assam police-te ngenna angin Delhi police-ten an man zui. Mahse man a nih hnuah Supreme Court chuan interim bail hmangin a chhuah leh nghal a ni.

Khera hi prime minister Narendra Modi chungchang hmusit taka sawia puh a nih avangin man a ni. Delhi police officer chuan, "Assam Police-te ngenna avangin Delhi Police-ten an man a, kan lo pui ve chauh a ni. A mantu tak chu Assam police an ni," a ti.

Supreme Court chuan Ningani vek khan Khera bail dila hi ngaihtuahin, February 28 thleng interim bail hi a phalsak a ni.

Nikum December thla khan Assam police-te ngenna angin Jaipur-a Trinamool Congress (TMC) thupuangtu Saket Gokhale chu man a lo ni tawh a, Assam-ah hruai a ni.

Prime minister Modi chungchang a sawidan vangin Assam leh Uttar Pradesh-ah Khera lakah hian FIR eng emaw zat thehluh a ni tawh. Haflong police station-ah chuan IPC section hrang hrang hnuaiah Khera hi thubuai siamsak a ni tawh bawk.