Manipur helpawl 2 nena inkahhai puan pawtsei

Sorkar laipui, Manipur sorkar leh Manipur helpawl pahnih, United People's Front (UPF) leh Kuki National Organisation (KNO) ten inkahhai an puan chu kum khat dang an pawtsei.

Suspension of Operations (SoO) an ziah hi February 28 hian a zo dawn a, mahse February 17-a party pathum aiawhten meeting an neihah thla 12 dang pawhsei leh an rel a ni. Inremna pawhsei hi March 1 aṭanga hmang ṭanin, Ferbuary 29, 2024 thleng a huam ang. Inremna thuthlung an siamte chu thlak danglam loh a, a ngaia hman chhunzawm leh an remti bawk.

New Delhi-a meeting neihah hian UPF aiawhin Ketheos Zomi leh Joshua Thadou an tel a, KNO aiawhin Dr Seilen Haokip a tel. Manipur sorkar aiawhin resident commissioner Devesh Deval a tel a, sorkar laipui aiawhin ministry of home affairs-a additional secretary (NE) Piyush Goyal a tel bawk a ni.