EC-in Tripura-a counting observer tur mi 60 ruat

Election Commission of India (ECI) chuan Tripura-a assembly constituency tin atan counting observer pakhat zel a ruat.

Official chuan February 16-a assembly inthlan neiha vote tlate felfai leh boruak ṭha tak hnuaia chhiar a nih theihna turin ECI chuan constituency tin atan counting observer 60 a rawt tih a sawi. Vote tlate hi March 2 hian chhiar a ni ang.

Electoral officer, S. Bandopadhyay chuan counting observer-te hian February 28-ah Tripura an thleng dawn tih sawiin, poll panel hian hmarchhak state-a assembly bial tin atana counting observer a ruat ṭum khatna a nih thu a sawi bawk.

Chief secretary JK Sinah, CEO Gitte Kirankumar Dinnakarrao leh DGP Amitabh Ranjan-te chuan district pariatte chu tlawh kualin, district magistrate leh superintendent of police-te meeting an neihpui tawh bawk a ni.