Vawiinah Meghalaya leh Nagaland inthlang dawn

Meghalaya leh Nagaland legislative assembly inthlan chu vawiin hian neih a ni dawn ta. Zing dar 7 aṭanga tlai dar 4 thleng vote thlak hun hi hawn a ni ang. March 2-ah vote tlate hi chhiarin inthlan result hi puan a ni ang.

Meghalaya-ah hian assembly constituency 60 a awm a, mahse Sohiong constituency-a candidate a thih avangin he bial bikah hian inthlan neih a ni ve dawn lo a, bial 59-ah vote thlak a ni ang. Election Commission chuan Sohiong biala vote thlak hun tur hi a la puang ang.

Meghalaya hian vote nei mi 21,75,236 an awm a, an zingah hmeichhia nuai 10.99 leh mipa nuai 10.68 awmin, polling station 3,419 a awm.

Nagaland-ah pawh assembly constituency 60 a awm a, Akulutio constituency-ah BJP candidate Kazheto Kinimi chu chuhtu dang awm loa tling sa a nih avangin, anni pawhin bial 59-ah inthlan hi an nei dawn a ni.

Nagaland-ah hian vote nei mi 13,17,632 awmin, mipa 6,61,489 leh hmeichhia 6,56,143 an awm a, polling sation 2,351 siam a ni bawk.