Tualthah thubuaiah Assam-a Army officer man

Assam police-te chuan Tezpur-a Indian Army-a public relations officer (PRO), lieutenant colonel Amarinder Singh chu February 15-a hmeichhe pakhat ruang chhar thattua puhin an man.

Police-te chuan February 15 khan Changsari-ah hmeichhe kum 35 mi ruang chu National Highway 31 bulah plastic bag-ah chhar a nih thu sawiin, an ruang chhar hi Chennai lam mi, Bandanda Shree niin, February 14 khan Lt Col Walia hmu turin Guwahati-ah a rawn kal tih an sawi. Shree leh Lt Col Walia-te hi hun rei tak lo inkawp tawh nia sawi a ni. Wali hmu tura kal tukah a ruang hi chhar a ni ta a ni.

Kamrup district SP Hitesh Chandra Roy chuan Lt Col Walia hian tualthahnaa a inhnamhnawih thu a inpuang tawh niin a sawi. IPC section 365/302/201/34 hnuaiah thubuai siamsak nghal a ni bawk.