Manipur Legislative Assembly building bulah bomb a puak

Manipur khawpui, Imphal-a Manipur legislative building bul, engineer chenna in kawtah Pathianni zan khan bomb a puak a, mi pakhat a hliam.

Bomb tipuaktute hi two-wheeler-a rawn kalin, state assembly building aṭanga yard 800 vela hla, Manipur PWD-a assistant engineer, Nandeibam Ingocha chenna in bulah hand grenade an tipuak nia sawi a ni. Mahse bomb puah lai hian Ingocha hi inah a awm lo tih an sawi bawk.

Bomb puak vang hian Engineer in satu zinga pakhat a hliam a, bomb them hian motor pakhat a fuh bawk. Hliam tuar hi damdawi-in panpui nghal a ni a, a ngaihtuahawm lo niin doctor-te chuan an sawi.

Eng pawl mahin bomb tipuaktu an nih thu an la sawi lo.