Kaziranga-ah ni 2 awh 'Chintan Shivir' buatsaih

Assam-a Kaziranga National Park-ah ministry of Ayush chuan nimin aṭang khan ni hnih awh tur meeting, Chintan Shivir an buatsaih. Ayush sector leh traditional medicine kaihhnawih policy leh programme kalpui meka hmasawn dan turte sawiho a ni ang.

He hun hmannaah hian union minister pahnih, Sarbananda Sonowal leh Dr Munjpara Mahendrabhai Kalubhai-ten an telpui a ni.

Ayush ministry, health and family welfare leh education ministry, state sorkar, NITI-Aayog, industry, startups leh academia aṭangin expert-ten discussion an nei dawn a, Ayush stakeholder-te nen interactive session an nei bawk ang. An sawihonaah hian Ayurveda, Yoga and Naturopathy, Unani, Siddha and Homoeopathy (Ayush) field-ah startup ecosystem din dan turte an sawi dawn a ni.

Chintan Shivir hian Ayush institutions tihchangtlunna tur kawng pawh a duanpui thei dawn tih an sawi bawk.