Meghalaya MLA thlan tharte lalut

Meghalaya legilative assembly inthlan neih zawh takah MLA atana thlan tharte chu nimin khan Assembly special session neihah rinawmna thu tiamtira lakluh an ni.

MLA tharte hi protem speaker Timothy D Shira-a'n rinawmna thu a tiamtir a ni.

National People's Party (NPP) kaihhruai ṭangrual sorkar thar a ding leh dawn a, NPP hotu Conrad K Sangma chu chief minister-ah a awm zui leh dawn a ni. Vawiin hian council of minister tharte chu Raj Bhavan-ah lakluh an ni dawn a, prime minister Narendra Modi-a'n a hmanpui ang.

NPP hian MLA 26 a nei a,United Democratic Party (MLA 11), Bharatiya Janata Party (MLA 2), People's Democratic Front ( MLA 2), Hill State People’s Democratic Party(MLA 2) leh indepedent MLA-te chuan Sangma kaihhruai sorkar thar hi an thlawp dawn. NPP kaihhruai ṭangrual sorkar thar hian member 60 awmna House-ah hian thlawptu 45 a nei dawn a ni.

Ningani hian House hi ṭhukhawm lehin, Speaker tur an thlang dawn a, sorkar thar fiahna neih a ni nghal bawk ang.